纪录片《一个好人》（全9集，2024）

源济

主持：林子善/江美儀

簡介： 大家身邊都有不少好人好事，他們不求回報，只為社會送暖。主持林子善、江美儀深入了解來自不同階層、背景的好人故事，體驗箇中可貴之處，同時帶出社會上一些被忽略的人和事。領跑員化身盲人跑手的眼睛，成就他人跑出光芒。初生嬰兒、患病狗隻失去依靠，獲好人悉心照顧至另覓領養家庭。退休護士陪伴獨居長者走過人生最後的路；送貨司機主動處理橫屍街頭的動物並安排身後事。中醫義診以心療心，也有關顧無家者、基層市民的善心個案。

一個好人｜動物塊屍人文哥

小編曾經係街上遇到貓貓嘅遺體，唔識點搞好，經網上介紹都係通知呢位義工文哥去處理。無諗過嘅係，呢充滿愛嘅義工行為，多年來令文哥虧損十幾萬……而佢為嘅只係送毛孩最後一程。

源济

一個好人｜32個孩子的寄養媽媽 龔黃螢敏

子善再到訪寄養家庭擔任一天保母，並了解這集另一個「好人」龔黃螢敏緣何逾十年來成為32名嬰孩的寄養家長，並視如己出。因為患癌，令龔太要善用人生，影響更多生命，更提到和寄養小朋友是互有得着，讓家中多添歡樂。

源济

一個好人｜以為頂住光環助人 其實助人同時自助

林子善親身嘗試擔任領跑員，了解這集另一個「好人」林Sir由放慢腳步，帶領視障人士走出第一步，重投社會。更用跑步去幫助癌症病人，成為生命鬥士，活得更精彩。

源济

一個好人｜林子善上山下海執垃圾 貓哥樂觀面對無限輪迴執垃圾：冇諗過嬲呢樣嘢

節目《一個好人》第4集，子善拜訪了成立執垃圾群組的冼力求（貓哥）和提供義務搬屋和轉贈傢俬服務的細傑。子善跟隨貓哥體驗上山下海執垃圾，子善分別去到防波堤、上山和撐船出海執垃圾，眼見垃圾無處不在兼執極都有，子善坦言：「啲垃圾係不斷無限輪迴，執完又有執完又有，一路執時我都會有啲憤怒（點解啲人會亂掉垃圾），我問貓哥感受係點，佢話：『唔係㗎子善，係好玩』。」貓哥更以樂觀心態面對：「冇諗過嬲，我都係人嚟，都會製造好多垃圾，但你適當咁處理咗咪得囉，唔好令垃圾去到大自然。依家我識行識走，如果我攰就做少啲囉，體能OK就繼續當做運動囉，呢個運動係好經濟，唔使畀月費，所以OK！」

源济

一個好人｜林子善拜訪輪椅武術創立人 分享傷健人士如何通過武術建立自信

《一個好人》第5集，子善拜訪了創立輪椅武術的李安東李Sir和中醫師林家揚。李Sir分享創立輪椅武術的原因：「除咗希望幫助傷健人士建立自信，亦希望可以話畀大家聽將不可能變成可能！」子善在節目中坐上輪椅體驗輪椅武術，並坦言：「每一打吓都痛，完全係發唔到力， 坐輪椅嘅朋友練呢個武術，係超乎想像咁難！」之後子善跟着李Sir兩位徒弟穎恩和嘉敏學習跆拳道，前者是亞伯氏症患者、後者則因故要坐輪椅，穎恩和嘉敏教得頭頭是道，子善事後大讚：「我手腳係比較唔靈活，但佢哋教得好好、好細心，唔會畀一個正常教練輸蝕。」

之後子善跟着林醫師和一班小義工去到坪洲探訪老友記，子善問林醫師為何想到帶領小義工做義醫？林醫師說：「老友記好鍾意小朋友，見到小朋友就特別開心、興奮，又可以畀小朋友知道咩係愛同關懷。」對於林醫師的義舉，子善大讚：「林醫師嘅能量好大，但一個人未必足夠，好感恩有好多戰友幫佢。林醫師係一個好人，佢影響到好多小好人走咗出嚟！」 子善還會與一班老友記跳手杖舞，非常有愛。

源济

一個好人｜「廟街神父」住100呎劏房 為可以24小時咁去幫人！

《一個好人》播出的第6集，子善分別拜訪了「廟街神父」胡頌恆、寵物暫託家庭Christy和攝影義工何偉彤偉哥。「廟街神父」胡頌恆是一位77歲的澳洲人，來了香港40年的他講得一口流利廣東話，他住在100呎的廟街劏房過着簡樸生活，他說：「我鍾意簡單嘅生活，呢度好容易搵到我哋，可以24小時咁去幫人！」胡神父在廟街開設了一間社區食堂，更只聘請更生人士，他解釋：「因為呢啲人好難搵工作，唔係好多人請佢哋，但佢哋其實好勤力，喺度做嘢好開心。」製作組問到他是否一個好人時？他謙虛說：「我唔係好人，我做呢件事係應該嘅，以前好多人對我咁好、畀機會我，我好幸福，我都想對其他人好！」對於胡神父的無私大愛，子善說：「我同神父講希望你工作愈嚟愈少，即係證明世界愈嚟愈美好。」

源济

一個好人｜因為不愉快童年而錯失好多，依家為學生補習開拓眼界

義工梁啟業（O仔）曾經因為不愉快嘅童年無法好好咁學習。長大後決心為基層學生義務補習。補習可以彌補差距，更重要嘅係佢想開拓學生嘅眼界令佢哋有更多見識。

O仔三年級嘅時候因為家庭原因，當時嘅O仔唔識照顧自己，而方牧師嘅出現改變咗佢好多。方牧師對O仔嘅幫助同關懷亦都係O仔開始義務補習嘅原因之一。主持江美儀化身「一日講師」為一班學生分享人生經歷，勉勵他們勇敢面對得失 ，活出精彩人生。

源济

一個好人｜江美儀首試殘障用樓梯機 義載司機助輪椅人士出行

輪椅人士出行時會遇到乘搭交通工具、上落樓梯等不便，不忍他們因此「被困」，吉哥化身義載司機、Peonie擔任義務樓梯機操作員，助輪椅人士走出社區。

源济

一個好人｜義剪腳甲

《一個好人》第9集，江美儀分別拜訪了義務為長者剪頭髮的傑仔（陳楚傑）、義務教授傷健人士潛水兼贊助裝備的Stephen（區紹堅）及義剪腳甲的貓姑娘（吳詠珊）。傑仔從小獲祖母灌輸要樂於助人，作為髮型師的他利用專長技能、組織團隊為長者進行義剪服務，美儀認為「窮得只剩下錢，內裡卻是空」也沒意思：「傑哥好幸運，有嫲嫲由細灌輸錢唔係我哋所追求嘅嘢，所追求嘅係幫助一啲冇能力嘅人，呢種快樂唔可以用錢買到。」